．·°∴ ☆．．·°♡ 維尼仔私人特別部格 ♡ °·．．☆ ∴ °·．

 

今日上晝幾之唔願意出去戶外畫畫, 因為豬流感所以畫班停咗要補番, 揀咗今日去戶外畫畫, 諗住個天都會落下雨啦, 點知都無乜點落, 真係激死啦。一去到都估到曬到暈咁滯架啦, 仲要一啲風都無, 頑皮的風伯伯你去咗邊呀? 終於攪到一身臭汗, 好彩可以係學校沖下個身, 唔係今晚都唔知點番學啦!!!

今晚一番到屋企, 見到老豆係到係咁敲個間房既門柄, 我當堂呆咗, 究竟發生咩事??? 一問原來換咗啲房門鎖, 點知有度門唔知做乜反鎖, 阿媽係間房入面, 見到咁既情況, 梗係幫手啦, 我淨係係咁用唔知乜野係咁敲, 敲打成個半鐘, 個門鎖啲零件係咁散出嚟, 點解仲未攪掂架?? 無辦法啦, 咁夜啲開鎖佬已經收咗工, 唯有係咁敲啦! 好彩, 終於攪掂咗。我咁大個女第一次敲門鎖咋。

話時話已經停課都有成個禮拜咁多, 我諗都係繼續停課架啦!!! 但係番到嚟學校真係唔知做啲乜好, 應該準備下學年啲野, 定係做埋今年度啲嘢呢? 邊樣緊要啲呢? 如果再係咁落去, 我諗我會處於一個非常遊云既階段。哎吔!!! 頭痕!!!

呢排啲感覺好奇怪, 唔識點形容。係咪應該咁做呢???

今日下晝接咗個好無奈既消息, 就係全港停課, 簡直十分個唔願意, 點解會咁架, 有冇攪錯!!!

一踏入六月份個人開始緊張起嚟, 畢業禮、學評、總評...等等, 開始湧埋身啦, 好驚呀!!! 尤其畢業禮.....佈景同埋個影片仲未郁, 真係有啲寒既感覺, 希望可以做得切啦。

 

今日番到屋企一埋電腦位, 好似有啲野唔同咗, 睇真啲, 點解個MON上面啲擺設唔見晒呀??? 原來媽媽忍唔住咁亂幫我掉晒佢, 突然之間有種失落感覺, 就個SNOOPY泰拳王, 不知不覺咁多年。

今日開始美少女無番工啦, 好似唔見咗樣野咁, 大家處事起碼成十幾年, 佢走都戥佢開心, 可以照顧粒孫。

點解會咁架, 簡直係一個唔知點形容既消息!!

轉眼間又咁快4月尾啦, 仲有2個月到就完結呢個學期啦, 而且平時學期尾啲野提前咗好多好多, 攪到啲人唔知俾咩反應好, 如果真係咁, 出年都幾大鍋野! 唉!!!

呢排真係一頭霧水!!!!??! 究竟件事係點樣呀?

今日終於順利過咗個視導啦, 話說都成幾年無導師過嚟我上堂, 雖然今次唔係睇我上堂既技巧, 不過都好緊張, 不景呢個MISS好似唔知佢想點咁, 有啲擔心, 起碼完成咗一件事。不過仲有好多事情要攪, 都唔知佢想攪幾耐呀, 唉~~~! 

終於上完十堂工作坊, 跟住就同導師單對單, 我問佢啲野, 佢就好似耍太極咁, 耍咗去第二度, 呢一科簡直令我摸不著頭腦, 究竟佢想點呀?

今日本來有活動攪, 但係有啲原因所以取消咗。逢星期六都係我地例會, 但係有個人嚟咗, 點知要同佢單對單對話, 真係有啲頭大, 答咗好多問題, 包括數學科、常識科、中文科..., 真係唔知點答好!!!?!?!?!?